中環茶記 (已結業)

去到中环见到翠华餐厅结业，个心都有啲唔系太开心，行吓行吓原来呢度都有唔少嘅餐厅，不过由于对茶记情有独钟，所以决定去中环茶记食下。啱啱正好系下午茶时间，就入去试吓佢个茶餐，以中环来讲呢个价格真系非常便宜，$30都唔使就有西多士跟嘢饮或者佢呢度嘅特色猪扒包，经过嘅店员都同我哋讲今日嘅猪扒包好得，所以我决定叫一份黎试。不过系食猪扒包之前，好想医饱个肚！见到原来佢哋嘅葱花叉烧炒蛋饭都系值得推介，所以又嗌左一份。冇几耐个饭就送到，叉烧做得非常好，食完有销魂嘅感觉。滑蛋亦都好滑嫩，煮得好有技巧，但系美中不足嘅系碗里面嘅饭好像冇经过特别嘅处理，热度争咁少少，损失左一啲啲分数。另外厦门炒米粉好足料，里面有叉烧丝、火腿丝同炒蛋，仲有番茄酸酸地嘅味道，师傅话系即叫即炒，所以都好热辣辣够新鲜。跟餐𩠌杯嘢饮，点红豆冰属于特饮，就要另外加$8，我觉得加$8好抵啊，因为呢度嘅红豆冰真系有好多红豆，冰只系占一个杯少少空间。西多士又系大大件，加埋独立包装嘅牛油同埋糖浆，特别邪恶，令人垂涎欲滴！另外的猪扒包好大份，包硬身少少，猪扒煎得几靓仔，里面仲夹杂生菜同埋蕃茄，是下午茶必选推介。