JUICY Fresh Juice Bar (已結業)

系韩国拥有多间分店嘅JUICY，嚟咗香港都一段时间。咁岩今日收工系香港站入闸前见到，决定买一杯嚟试吓。门口好大个招牌士多啤梨拿铁，影相打卡一流。饮品嘅选择都几丰富，除咗果汁同奶昔，亦有拿铁、乳酪，茶等可以选择，仲可以补少少钱加个热狗或者牛角包，啱晒朝早赶头赶命返工嘅打工仔经过嘅时候可以买份早餐医饱个肚。士多啤梨乳酪见系推介嘅特饮，就决定叫一杯嚟试吓。底层系士多啤梨果肉打成嘅果汁，上面既乳酪幼滑细腻，饮落酸酸甜甜，层次好丰富，够晒开胃。