影片
更多
2023-05-24
4127 浏览
阿根廷菜晌香港嚟讲，相对比较冷门少少，而小弟对此亦认识唔多，其实，喺对所有南美国家嘅菜式都一样，所知嘅甚少。今日就同晌中环返工嘅旧同学午聚，嚟到「La Parrilla Steakhouse」尝尝阿根廷菜，兼分享下近来生活点滴。餐厅位处云咸街一幢商厦1楼，走进餐厅，一室都喺深色木系装修，就连天花都做成仿木屋嘅感觉，加上好多红色仿砖墙，再有唔少富南美色彩嘅壁画，确实甚具地道风情。此外，近窗一排嘅「走廊位」，配以高脚枱櫈，对正就喺「大馆」，景观甚为开扬。若天气凉爽，窗户可以打开，变得有种「露天茶座」嘅感觉。而餐厅尾尾，就喺开放式扒炉，睇到师傅即场烤扒，不时阵阵火光，滋滋声响，甚有气氛。此外，餐巾、餐刀、餐碟，以及黑胡椒罂、盐罂都睇得出餐厅嘅级数，绝对唔喺马马虎虎。虽然，午市如常提供所有散点菜式，但当然嗌午市套餐为划算啲。午餐分两个价：$219、$298，同样包咗前菜、主菜、配菜及饮品，但前者主菜会喺一啲烤鸡、意粉、是日鱼鲜之类，而后者主菜会喺几款招牌牛扒，唔介绍花多啲，仲可以升级其他靓部位。此外，亦可以加钱转其他饮品，或加配甜点。Focaccia一坐落，点好餐之后，就会送上自家制意大利香草
餐厅位处云咸街一幢商厦1楼，走进餐厅，一室都喺深色木系装修，就连天花都做成仿木屋嘅感觉，加上好多红色仿砖墙，再有唔少富南美色彩嘅壁画，确实甚具地道风情。
此外，近窗一排嘅「走廊位」，配以高脚枱櫈，对正就喺「大馆」，景观甚为开扬。若天气凉爽，窗户可以打开，变得有种「露天茶座」嘅感觉。
而餐厅尾尾，就喺开放式扒炉，睇到师傅即场烤扒，不时阵阵火光，滋滋声响，甚有气氛。
此外，餐巾、餐刀、餐碟，以及黑胡椒罂、盐罂都睇得出餐厅嘅级数，绝对唔喺马马虎虎。
虽然，午市如常提供所有散点菜式，但当然嗌午市套餐为划算啲。午餐分两个价：$219、$298，同样包咗前菜、主菜、配菜及饮品，但前者主菜会喺一啲烤鸡、意粉、是日鱼鲜之类，而后者主菜会喺几款招牌牛扒，唔介绍花多啲，仲可以升级其他靓部位。此外，亦可以加钱转其他饮品，或加配甜点。
Focaccia一坐落，点好餐之后，就会送上自家制意大利香草包，呢款包喺小弟最钟意食嘅包款之一，因为除咗落重香草，加咗唔少橄榄油之外，面头仲会洒上盐粒，所以食起嚟好有风味，而且，个包真喺好软熟。
Soup of the Day前菜方面，旧同学就喜欢饮个汤，是日餐汤喺南瓜忌廉汤，我就无试到，不过佢话做得相当好，一来南瓜味好浓郁，二来个质感唔会太杰身，口感非常之顺滑，合晒佢口味。
Empanada de Came Criolla 我就拣咗呢个比较有多啲地道风味嘅免治牛肉馅角，件馅角非常之大，有成只手掌咁大，外皮非常之酥脆，而里面填满咖哩免治牛肉，香浓惹味，佐以带辣嘅蕃茄莎莎，夹埋一齐食特别醒胃。
Empanada de Came Criolla
29 浏览
1 赞好
0 留言
Grilled Spatchock Chicken主菜我哋就一齐「些牙」嚟食，两个主菜都喺同步上枱，先介绍个烤鸡，因为用明火烤，烤得特别靓仔，有少少㶶皮，而外皮确喺烧得几香脆，啲鸡肉亦都非常之嫩滑，沾上感觉有南美风味嘅酱料，味道酸酸香香，衬烧烤嘢食真喺好夹。
Grilled Spatchock Chicken
20 浏览
0 赞好
0 留言
Beef Ragu另一个主菜喺红酒烩牛肉意大利面，牛肉食落口感非常之松化，而且，确喺嗒得出阵阵红酒香，好入味，份量又够足；意大利面用上扁意粉，煮得有咬口之余，仲好挂汁，净食啲面条都一样咁正。
Beef Ragu
116 浏览
0 赞好
0 留言
Field Green Salad伴菜嘅沙律份量都唔少㖞，装成一大兜，而且，绝对唔喺求其得少少沙律菜，而喺衬上好多唔同嘅蔬菜，例如樱桃萝卜、青瓜、紫洋葱、车厘茄……等等，简简单单淋上油醋，清新好味，正好平衡番啲主菜中嘅肉食。
Potato Au Gratin呢个奶油焗薯仔正呀喂，点正法？就喺够多奶油，口感非常香滑，啲薯仔够软腍，又好有薯香，不过老实讲，如果一个人食，真喺会觉得好「漏」，两个人一齐共享就好啲。清晒啲薯仔，已经食到我哋好饱。
Potato Au Gratin
65 浏览
0 赞好
0 留言
今日食嘅嘢都够浓味，配汽水就好唔错，都唔需要加钱叹咖啡。小弟就拣咗Ginger Ale，冰凉清爽。
虽然卖到二百几蚊一份午餐，但好足份量，用料又具质素，其实，唔太大食嘅人，嗌两份，3个人都够食呀。
张贴
