影片
更多
2023-01-13
30 浏览
餐厅位于荃湾市中心位置，附近有小巴站，巴士站，容易到达。未到12点嘅午餐时间，已经座无虚席，要等一阵先至可以入座。餐牌选择唔少，套餐包括餐汤餐包，仲有餐饮，午餐仲免加一。虽然食客好多，但上菜时间唔需要等太耐，唔使惊饿亲。餐包加热至微暖，入面已经搽好牛油，入口软熟。香煎纽西兰肉眼牛扒（八成熟）配意粉，上枱时候有惊喜，估唔到午餐都咁有份量，咁大块牛排，切开时冇半点血水流出，以为会煎得过熟啦，但原来唔系㖞，中心带点微红，食落唔会过韧，仲觉得肉汁锁住左，牛味唔错，唔需要点蒜蓉汁都无问题。香草烤西冷羊扒配芥末酱，第一次食西冷羊扒，原来肉质系咁腍㗎，同平时食开嘅羊架肉质好唔同㗎，入口软腍，无筋唔嚡口，非常好食。配菜嘅粗薯条，炸到脆卜卜，简直食唔停口。另外追加左2个小食，炸虾同焗蚝，非常滋味。焗蚝即叫即整，一夹起只蚝，就知道肥美有肉汁，加埋芝士，洋葱同烟肉一齐焗，味道更出色，推荐。餐饮嘅柠檬柚子蜜茶同杂果宾治都唔错。呢餐午餐味道唔错，价钱贴地，有机会可以再光顾。
未到12点嘅午餐时间，已经座无虚席，要等一阵先至可以入座。餐牌选择唔少，套餐包括餐汤餐包，仲有餐饮，午餐仲免加一。虽然食客好多，但上菜时间唔需要等太耐，唔使惊饿亲。
餐包加热至微暖，入面已经搽好牛油，入口软熟。
香煎纽西兰肉眼牛扒（八成熟）配意粉，上枱时候有惊喜，估唔到午餐都咁有份量，咁大块牛排，切开时冇半点血水流出，以为会煎得过熟啦，但原来唔系㖞，中心带点微红，食落唔会过韧，仲觉得肉汁锁住左，牛味唔错，唔需要点蒜蓉汁都无问题。
香草烤西冷羊扒配芥末酱，第一次食西冷羊扒，原来肉质系咁腍㗎，同平时食开嘅羊架肉质好唔同㗎，入口软腍，无筋唔嚡口，非常好食。配菜嘅粗薯条，炸到脆卜卜，简直食唔停口。
另外追加左2个小食，炸虾同焗蚝，非常滋味。
焗蚝即叫即整，一夹起只蚝，就知道肥美有肉汁，加埋芝士，洋葱同烟肉一齐焗，味道更出色，推荐。
餐饮嘅柠檬柚子蜜茶同杂果宾治都唔错。
呢餐午餐味道唔错，价钱贴地，有机会可以再光顾。
张贴
