大笪地花膠雞

营业中

休息中

放工有咩好做，我就会选择同fd 去食饭，但来来去去食中菜，寿司，西餐好闷， 咁秋风起记得紧系打边炉最爽啦！我就同fd 去左旺角大笪地叫左个胡椒萝卜牛腩煲暖下身，因我地唔知个煲有几大份量， 所以都另外叫左几款打边炉食品。皇帝菜，唐生菜， 松茸鲜云吞，金牌牛肉丸，西班牙猪腩片， 沙爆鱼肚。一送来搞下个汤底睇下，哗，劲多牛腩和萝卜， 我地先品尝一碗汤，再开始食牛腩， 牛腩真系好腍好入味萝卜冇渣，我特登叫鱼肚，因佢吸汤一流🥰🥰🥰好美味呀！另外牛肉丸好爽弹， 唔系雪藏货， 云吞好鬼大粒，猪腩片即刨，滚一滚已经好味， 蔬菜系我食打边炉必叫的。越食同fd 觉得越唔对路，点解个㶽入面的牛腩和萝卜食极都有 🤣🤣🤣🤣🤣搞到我地差d食唔哂 😇下次一班人来可以叫多几款咁就正。