101台式休閒餐廳 (千色匯) (已結業)

早几日放工，同谦谦去买补充练习，谂住呢排唔洗返学，自己系屋企做当温书都好，之后就行左去千色汇问谦谦想食咩， 佢见到呢到写住食台湾野就话入呢间。呢到防疫措施都ok ， 枱之间有板阻挡住，探温果d 做齐，我先放心入内进食。我地叫左以下台式美食：⚛ 台式锅烧牛肉肉燥饭 ～ 谦谦最爱的牛肉饭仲要有肉燥， 牛肉汁够浓和肉燥伴饭食一流，谦谦仲话好食过 其他品牌的牛肉饭，叫我下次要再来食。⚛ 台湾香辣药膳牛肉手工拉面 ～ 哈哈终于一人一碗，咁我就紧系把握机会食我喜欢的辣啦！呢到的香辣药膳汤底做得几好，浓得来唔会太辣呛喉，牛肉仲要份量几多，炆得又够软腍入味， 罗白有2大件鲜甜冇渣， 拉面亦做得唔错。追加小食⚛ 上汤浸时蔬 ～ 生菜用了上汤浸，仲加甜。⚛ 卤水猪大肠 ～ 超入味必点，大肠仲要入面清得好干净，可以放心食多几件。⚛ 红油白菜猪肉饺 ～ 加左红油几出色， 皮唔算厚刚刚好，入面材料丰富。食完叹返杯台式饮品啦，因为呢到跟餐加钱叫，就已经有大大杯，谦谦就紧系饮佢爱的朱古力雪香，而我就饮水蜜桃红茶。