泰象苑 (已結業)

见到太子柏树街1号新开张嘅泰象苑，每日都有做唔同嘅特价菜。发现星期二居然有至爱嘅咖哩炒蟹做特价，梗系唔会放过啦！上一回系奥海城食过半价都要2百几，呢间原价已经比平时出面食嘅平一半，今日仲要再半价又免加一，即刻约埋老友一齐试吓……因见店舖不是太大，所以预先book咗位……去到已满座，好彩有book位所以好快可以入座。坐低点了原个椰青，好青甜。还有串烧，炸虾饼，青咖哩鸡，辣椒膏炒泰国椰菜苗，泰式猪手……为咗碟美味咖哩蟹，我哋最后食咗15件蒜蓉包，因佢个咖哩汁实在太惹味喇，差不多醮到无晒汁至肯罢休其他食物都好有水准，听讲系正式泰国人厨师，所以特别有风味以呢个平民价钱，真系好抵食。服务员亦都好有礼貌，上菜同收碟都快！