7E咖喱王

营业中

休息中

中秋佳节食左几餐中菜，约朋友食下咖哩转转口味。拣左系重庆大厦嘅7E，除左交通方便外，呢度嘅咖哩相信都会比较正宗。楼下有专人带领，吾难揾。估吾到都几受后生仔女欢迎，嚟开餐㖞！鸡肉、牛肉、羊肉、海鲜、蔬菜、饭、面包、甜品等，食咩好呢？朋友想食羊肉，我就点左个蔬菜，仲有其小食同饮品。印度薄脆饼，食落有少少似薯片(但又吾似薯片咁油腻腻)，超薄香脆，少少咸，辣辣地，点上青咖哩酱好清新，系免费嘅小食,多谢老板。咖哩角胀卜卜，呈三角形状。外层香口酥脆，马铃薯加咖哩嘅内馅，粉绵中带淡淡咖哩香气。烤饼(原味)，系印度餐厅必点嘅美食，烤饼松软似面包但又脆脆哋。蒜茸烤饼同样外皮酥脆、内里松厚柔软，比较原味烤饼，多一份蒜香味。镬仔羊肉肉质腍嫩，充满咖哩香料味道，带点微辣。羊肉嘅香气，同咖哩嘅色泽，十分诱人！芝士菠菜，菠菜蓉十分幼细。加上特制芝士，吾辣吾油腻够芝味。越嚼越香嘅烤饼，沾上咖哩食更是绝配！芒果乳酸，酸酸甜甜，充满浓郁芒果香味。 哈！哈！无论你食得辣定唔食得辣，都可以饮呢杯芒果乳酸平衡一下味蕾或解辣。虽然我哋吾系食家，但觉得7E嘅咖哩味道浓郁，小食香口，而且服务员态度热诚。