影片
更多
2023-10-14
1555 浏览
同个老友约食饭，约咗几次都唔成事，卒之约到今晚出嚟聚一聚，食乜嘢菜就由我拣，但喺地点嘅尽量就到大家，旺角咁中间点就最好啦，因为大家都好耐无食过韩国菜，近排又睇咗几套好睇嘅韩剧，撩起食韩国菜嘅心瘾，所以，拣咗嚟「女人街」嘅「韩川」。 一入门口，辟咗一角有个大梳化区，可以坐得比较多人，坐密少少十个以内都够坐。 再走入少少嘅，就有好多2或4人枱，拼埋坐6个都得。店内环境装修带点工业风，配以深木色系枱櫈，灯光稍稍昏暗，令整体嚟讲蛮有气氛。 睇得多韩剧都知，啲餐厅一定供应冻水，佢哋唔兴俾热水，所以，见到枱面已备有一大樽冻水，仲有餐具、韩底甜辣酱，以及奉送嘅韩式前菜：腌萝卜同韩式泡菜。 食物选择方面、有多种韩式串烧、炸鸡、韩式芝士系列、石头锅饭、泡菜火锅……等等。晌墙上仲有个推广，羊肉串只卖$1 / 串，羊肉就啱晒我啦，正价要$18串，仲唔见佢话限叫几多，不过要9:30pm后，今次坐唔到咁耐，下次真喺考虑晏啲先嚟。 但喺，谂食乜嘅时候，店员就推荐佢哋嘅「精选二人独餐」，包一份精选海鲜、一份菜包烧肉、一份小食、一份主食、两款饮品，定价都喺$398，计落认真抵呀，但需留意部份菜式或饮品需加钱架！此外，
一入门口，辟咗一角有个大梳化区，可以坐得比较多人，坐密少少十个以内都够坐。
再走入少少嘅，就有好多2或4人枱，拼埋坐6个都得。店内环境装修带点工业风，配以深木色系枱櫈，灯光稍稍昏暗，令整体嚟讲蛮有气氛。
睇得多韩剧都知，啲餐厅一定供应冻水，佢哋唔兴俾热水，所以，见到枱面已备有一大樽冻水，仲有餐具、韩底甜辣酱，以及奉送嘅韩式前菜：腌萝卜同韩式泡菜。
食物选择方面、有多种韩式串烧、炸鸡、韩式芝士系列、石头锅饭、泡菜火锅……等等。
晌墙上仲有个推广，羊肉串只卖$1 / 串，羊肉就啱晒我啦，正价要$18串，仲唔见佢话限叫几多，不过要9:30pm后，今次坐唔到咁耐，下次真喺考虑晏啲先嚟。
但喺，谂食乜嘅时候，店员就推荐佢哋嘅「精选二人独餐」，包一份精选海鲜、一份菜包烧肉、一份小食、一份主食、两款饮品，定价都喺$398，计落认真抵呀，但需留意部份菜式或饮品需加钱架！此外，仲可以额外追加生蚝，有平有贵，我哋平平哋试咗时令嘅一款。
都喺好似时下嘅餐厅咁，用二维码落单，自己慢慢揿，搞唔掂可以揾店员帮手。
精选时令生蚝 $128虽然啲生蚝睇落唔喺好大只，不过，外观就几靓仔，望上去好有光泽，唧啲柠汁，再加上鸡尾酱，蚝肉好鲜甜，海水味唔会太重，所以，唔会太咸，肉质带点爽脆感，确喺够时令。
韩国Demisoda有汽特饮（蜜桃味、香葡萄味）其实都无特别喜好，只喺随意拣，呢个牌子未饮过，只喺小弟想饮蜜桃味，而老友想试白葡萄味而已。只梳打又几好饮，口感清爽，桃味清香，衬晒一阵啲饺子同五花腩呀！
真露焗蚬精选海鲜拣咗真露煮蚬，估唔到咁大碟，仲要喺只只蚬睇都睇到喺涨卜卜，好有肉地，食落唔止鲜甜，确喺厚肉，仲有微微酒香同蒜香味，加上食落一啲沙都无。而底下垫有大量韩国粉丝，煮得口感啱啱好，仲吸满由蚬肉渗出嘅汁，味道唔寡。
真露焗蚬
9 浏览
0 赞好
0 留言
韩式炸饺拼盘 +$20小食就梗喺拣呢个啦，加多$20都抵啦，多两件之余，仲可以一次试到3样嘢：泡菜饺（有折纹𠮶款）、粉丝饺（直身长形𠮶款）、鸡皮饺（细细只榄形𠮶款）。炸得金黄，入口又唔太油，咬落脆卜卜，3款馅唔同，食味明显有分别，最钟意都喺泡菜饺子，惹味啲。
韩式炸饺拼盘
10 浏览
0 赞好
0 留言
韩川菜包五花腩一份五花腩有成3大件，好有睇头，睇落亦唔喺好肥，烧得甘香，仲洒满秘制调味粉，睇见都流口水，仲配咗烤肉汁、洋葱、蒜片同芥辣。先剪成细细块，方便大家夹嚟食。
韩川菜包五花腩
12 浏览
0 赞好
0 留言
再嚟就当然夹埋啲洋葱、蒜片，沾上汁酱，再以一大片生菜包住嚟食，咁样食法更去油腻感，喺另一番韩式地道风味。
温泉蛋虎虾芝士汤乌冬 +$20套餐仲包一客主食，所以，肯定食得你饱饱。以石锅上，自然可以更加保温，大大只虎有眼你睇，童叟无欺，再伴以一只温泉蛋，卖相绝对唔失礼。
温泉蛋虎虾芝士汤乌冬
506 浏览
0 赞好
0 留言
喺食个生蚝先令成餐饭贵咗一截，否则单单点呢个二人餐，性价比坚喺相当高，其实，个餐真喺好丰富。有段小插曲，其实我哋嘅小食喺嚟漏咗，追追之下好快就整到俾我哋，但店员太有礼貌，前前后后对我哋讲咗6、7次唔好意思，搞到我真喺唔好意思，其实对我嚟讲好小事，反正今晚唔赶，同老友预晒时间慢慢食。
张贴
