十侍 - 棉花糖A5和牛壽喜燒專門店

营业中

休息中

成日都见到啲人去日本旅行必食寿喜烧，其实香港都有好食嘅寿喜烧啦。位于旺角嘅十侍，服务好食物都有质素，绝对值得过黎一试。二人前 鹿儿岛黑毛和牛A5和牛来自鹿儿岛，有证书列明产地品种，可以比客人拎埋张证书返屋企，牛肉方面有信心保证。和牛嘅雪花纹相当之靓，店员会根据食客嘅选择，为食客煮到合适嘅熟度，唔惊自己煮而浪费哂高级嘅和牛。用棉花糖煮溶后嘅酱汁煮肉相当特别，第一块肉嘅甜味较明显，之后愈煮酱汁愈浓，所以之后嘅肉就会多番啲咸味。加埋生鸡蛋一齐食，肉质更加嫩滑，肉味香浓。而且肉嘅大小比想像中大，唔会话一啖就食哂，店员都会一块接一块咁为我地煮肉，所以都几满足。整个过程中店员服务都好好，留意住食客进食嘅进度，然后过黎serve。食完肉之后就食埋其他嘅配料，有豆腐蟹柳菇菜等。加埋酱汁落去煮，好快就食得，最后煮埋个稻庭乌冬。食材新鲜加埋个酱汁一齐食，食完好满足。最后仲有自家制嘅柚子雪糕，食落味道清新，食到柚子皮，同时奶味香浓。另外仲有两杯野饮，桃味乳酪soda同青之海，两杯都唔会过甜，饮落清新开胃。