維港灣餃子坊 (已結業)

今个星期六约咗朋友去元朗试下地道小食，由于太耐冇食过饺子，真系好想去饺子店食下， 我哋就拣咗呢间位于元朗嘅维港湾饺子坊， 嚟到门口已经见到大大嘅招牌介绍各种唔同嘅饺子，小店虽小，但系坐得好舒服。一坐低我哋就急不及待 一览餐牌， 之前食开嘅饺子都只会系食韭菜或者椰菜， 但系今次我哋想试下其他唔同嘅滋味，所以嗌咗呢个流心芝士粟米煎饺六只。呢个饺子冇令人失望！ 一咬开 ，热辣辣嘅流心芝士就喷出嚟啦！粟米鲜甜， 再配埋啖啖嘅肉，好滑嘅皮，正到爆！ 每个饺子都会配一个猪骨汤！ 除左叫呢个，我哋亦都嗌咗一个黑松露拼韭菜饺各三只， 叫个双拼就可以使到更多唔同嘅味道。原来黑松露嘅饺子系可以咁特别，咁好食，韭菜饺更加系保守之选，实好味嘅！冻豆浆 除咗叫嘢食点少得豆浆呢！ 维港湾饺子坊更会提供冻豆浆，每杯只系六蚊， 已经系大大一杯， 物超所值！ 味道唔会太甜 豆香味超浓 正呀椒盐花枝丸系我哋叫嘅小食， 脆脆嘅皮包住软绵绵嘅花枝丸， 香喷喷嘅椒盐味， 可以单独食又得，配埋饺子食又得， 配豆浆只更加得！