影片
更多
2022-09-26
2142 浏览
呢排真喺成日过嚟「黄金」，早排坏电脑已搞咗我个几星期，今次就落嚟买打印机墨盒，顺便就几个老友食饭。两支公，最好就喺茶记啦，平靓正，无拘束。至于茶记，深水埗真喺多的是，最后拣咗位处「汝州街」嘅「澳葡牛奶餐室」，主要喺想食埋双皮奶。 餐厅环境一字长形，一眼睇晒，装修简单企理，带点时尚感，最尽头墙上镶咗大大个餐厅名字及唛头，都几抢眼架。而左边喺啲4人枱，右边则有啲6人嘅高脚枱櫈。 枱面只放咗少少调味料，以及各样餐具，如需要热水洗吓餐具，需主动提出。 呢度以「餐室」为名，初时都谂住跟一般茶记差唔多，但翻一翻餐牌，食物方面就无本土啲茶记咁多样化，真喺主力少少晌啲澳门菜、葡国菜着墨。 咖哩牛坑腩饭 $56老友钟情咖喱，所以，选上呢一款牛坑腩饭，饭面加粒车厘茄，放少少菜苗，几靓仔。一睇就知饭量多，而且，咖喱汁亦多，捞饭就一流啦，小弟都偷咗粒牛坑腩试试，炆得够软腍，但咬落有嚼劲，带少少肥膏，有点脂香，而咖喱辣度温和。 经典忌廉鲜奶 + $12 呢款绝对喺港式经典啦，依家都好少餐厅有做，小弟对此兴趣不大，但老友点嚟就话怀旧一番。两者沟出嚟，有忌廉味，又有奶香，虽讲唔到有咩惊喜，但佢就话喺饮出一份儿时情
餐厅环境一字长形，一眼睇晒，装修简单企理，带点时尚感，最尽头墙上镶咗大大个餐厅名字及唛头，都几抢眼架。而左边喺啲4人枱，右边则有啲6人嘅高脚枱櫈。
枱面只放咗少少调味料，以及各样餐具，如需要热水洗吓餐具，需主动提出。
呢度以「餐室」为名，初时都谂住跟一般茶记差唔多，但翻一翻餐牌，食物方面就无本土啲茶记咁多样化，真喺主力少少晌啲澳门菜、葡国菜着墨。
咖哩牛坑腩饭 $56老友钟情咖喱，所以，选上呢一款牛坑腩饭，饭面加粒车厘茄，放少少菜苗，几靓仔。一睇就知饭量多，而且，咖喱汁亦多，捞饭就一流啦，小弟都偷咗粒牛坑腩试试，炆得够软腍，但咬落有嚼劲，带少少肥膏，有点脂香，而咖喱辣度温和。
经典忌廉鲜奶 + $12 呢款绝对喺港式经典啦，依家都好少餐厅有做，小弟对此兴趣不大，但老友点嚟就话怀旧一番。两者沟出嚟，有忌廉味，又有奶香，虽讲唔到有咩惊喜，但佢就话喺饮出一份儿时情怀。
葡汁牛脷焗饭 $66 小弟一向都几钟意食牛脷，喜欢佢𠮶种独特嘅膻香，加上焗饭亦喺心水，所以，就点咗呢一客牛脷焗饭。饭面除有三色椒，仲铺咗满满嘅芝士，焗得一片金黄好睇。牛脷都喺厚切，有唔少片，柔韧膻香，虽然，唔喺炒饭式，但都混有唔少蛋丝，搭出带微甜嘅葡汁，都好唔错，再者，饭内仲有唔少薯仔同甘笋，两者都有处理过先放在焗饭内。
宇治金时鲜奶 +$12间唔时都会饮吓红豆冰，呢个绝对喺升级版，因为唔喺只得红豆加奶水，而喺用上鲜牛奶，再加入抹茶，不过，个人略嫌抹茶加得较少，做出嚟嘅层次未够分明，见有啲人上载嘅相片好靓，另一方面抹茶味未够突出；不过，啲鲜奶就真喺好鲜好滑，红豆又够绵，味道清甜。
宇治金时鲜奶
52 浏览
0 赞好
0 留言
正宗双皮奶 $26老友情有独钟双皮奶，佢就话啲双皮奶口感柔滑，入口喺一股浓郁嘅牛奶香涌出嚟，甜度又啱啱好，唔会太甜。
姜汁撞奶 $28至于小弟就想试试姜汁撞奶，睇样跟双皮奶无咩分别，只喺面面多咗啲姜蓉，然而，入口除咗柔滑，一阵阵嘅姜汁慢慢渗出嚟，的而且确，阵奶味超香浓，相信热食更能暖入心窝。
虽然，比起一般茶记，「澳葡」喺选择少啲，但出品质素唔错，加上有双皮奶、撞奶食，喺加分位嚟，不失「牛奶」餐室之名呢！
张贴
