川火堂

营业中

休息中

想食酸菜鱼，揾到附近呢间川菜餐厅好似都唔错，一试之后觉得性价比都几高。 金汤酸菜鱼嚟到川菜馆唔敢嗌大辣，拣咗微辣试下先。辣度容易入口，但食食下就开始愈来愈辣，几过瘾。鱼片嫩滑，份量多。仲有酸菜、莴荀片、宽粉、芽菜等配料，好丰富。个人觉得再酸啲就更滋味。 清炒莴荀丝相对之下呢道菜真系好清淡，啱晒解辣。莴荀丝炒得青脆爽口，好清甜。 手工红糖糍粑炸得外脆内软，烟烟韧韧有咬口。沾上豆粉好香口，红糖甜滋滋。 熊猫冰粉造型可爱，系打卡之选。冰粉本身冇乜味道，口感滑溜清凉，加入少少糖浆即刻感觉清甜解辣。仲有花生、提子干等增加口感层次。