PizzaExpress Lab (Fashion Walk) (已結業)

平日难得放假，去铜锣湾探朋友顺道食tea。朋友提议食Pizza，拣咗比较偏僻人流较少在Fashion Walk 的「PizzaExpress Lab」坐低慢慢食慢慢倾。餐厅内呈长形，一边更有独立间隔Party Room，亦设有户外座位，感觉休闲。☘️☘️朋友和我都喜欢少肉多菜饮食，今日目标拣咗几款素食试吓新口味😋粉红色新餐牌特别注目，原来每惠顾餐牌中嘅一款食品，餐厅会捐出$8比「癌症基金会」的乳癌支援服务，一定要支持下喇只系举手之劳。招牌焗面包球配士多啤梨忌廉好喜欢这里嘅焗面包球，外脆内软有层次。士多啤梨忌廉酱唔会太甜，酸酸地好creamy，吃多也不腻😍Giardiniera 蔬菜芝士薄饼🍕🍕以大量健康蔬菜作馅料，有烤茄子、烤南瓜、杂锦蘑菇、橄榄、烤灯笼椒、新鲜罗勒、马苏里拉芝士及忌廉番茄酱。特别喜欢烤灯笼椒，清甜又有烤焦嘅味道！而南瓜蓉香甜配合酸酸地嘅忌廉蕃茄酱，素得来味道依然丰富。牛肝菌羽衣甘蓝螺丝粉有我最喜欢嘅牛肝菌，除了黑松露，味道是最突出的菇菌，配意粉尤其出色。白色的是水牛芝士，芝士味较清新冇加调味，柔软有韧度亦令蔬菜添上清新嘅芝士味。这里嘅意粉绝少加盐调味，重口味嘅人未必适合。