影片
更多
2018-12-13
114 浏览
2018年12月11日 星期二虽然仲有两个礼拜就放圣诞节，但工作压力仲系好大，好多工作都仲未做完。。。女朋友见我咁大压力就带我去食烧肉豪返一餐轻松下间餐厅系佐敦站附近，行出去几分钟就揾到，门口充满日式风格里面既位置唔算太多，但坐得好舒服，一d都唔觉得逼，有专俾两个人黎食饭既二人枱见到呢个牛魔餐已经好想食！！有美国牛小排同我最想食既日本和牛！！见到相已经心心眼😍之后拿拿临落左单就慢慢期待美食到豆腐沙津: 个沙津好大份，有好多麻酱系上面，仲有粟米同蕃茄添。d菜好新鲜，咬落好脆，而豆腐都好滑，好重豆味。矶煮鲍鱼: 原本以为要放上炉烧先食得，点知店员好贴心同我地讲话系即食既，我地一人一只，食落好有咬口，好入味，又唔会要𡁻好耐先食到，应该系煮得岩岩好之后再冷冻。主菜终于黎到！！店员建议我地食左侧边既美国牛小排同牛角切先，因为中间既和牛比较腻，应该放到最后先食。牛小排一烧就开始变色，烧大约两至三分钟已经食得，食落去牛味已经好出，有𡁻口，肉质唔松散，加埋少少油脂令到块牛小排更好食。至于牛角切其实同牛小排差不多，只系切左做一粒粒，烧既时候要更留心，因为好快就熟，一分钟左右就够。食落同牛小排分别唔大，但
虽然仲有两个礼拜就放圣诞节，但工作压力仲系好大，好多工作都仲未做完。。。女朋友见我咁大压力就带我去食烧肉豪返一餐轻松下
间餐厅系佐敦站附近，行出去几分钟就揾到，门口充满日式风格
里面既位置唔算太多，但坐得好舒服，一d都唔觉得逼，有专俾两个人黎食饭既二人枱
见到呢个牛魔餐已经好想食！！有美国牛小排同我最想食既日本和牛！！见到相已经心心眼😍之后拿拿临落左单就慢慢期待美食到
豆腐沙津
$64
41 浏览
0 赞好
0 留言
豆腐沙津: 个沙津好大份，有好多麻酱系上面，仲有粟米同蕃茄添。d菜好新鲜，咬落好脆，而豆腐都好滑，好重豆味。
矶煮鲍鱼
$98
24 浏览
0 赞好
0 留言
矶煮鲍鱼: 原本以为要放上炉烧先食得，点知店员好贴心同我地讲话系即食既，我地一人一只，食落好有咬口，好入味，又唔会要𡁻好耐先食到，应该系煮得岩岩好之后再冷冻。
牛魔再现
$580
16 浏览
0 赞好
0 留言
主菜终于黎到！！店员建议我地食左侧边既美国牛小排同牛角切先，因为中间既和牛比较腻，应该放到最后先食。牛小排一烧就开始变色，烧大约两至三分钟已经食得，食落去牛味已经好出，有𡁻口，肉质唔松散，加埋少少油脂令到块牛小排更好食。至于牛角切其实同牛小排差不多，只系切左做一粒粒，烧既时候要更留心，因为好快就熟，一分钟左右就够。食落同牛小排分别唔大，但可以一粒一啖食晒，感觉更满足。
日本国产A4和牛
17 浏览
0 赞好
0 留言
到主角和牛出场！！一烧既时候已经感觉到好唔同，d油脂滴晒落下面个火炉，抢晒火之余仲烧得更加大，几十秒已经变晒色要反转，唔系就好快烧焦。食落口果一下感觉到牛肉系自动溶化系个口到，成个口唔洗点用力已经充满和牛味，终于知道点解和牛咁受欢迎，真系令人好难抗拒~~
烧带子
11 浏览
0 赞好
0 留言
烧带子: 有蒜蓉、黑松露同牛油一齐烧所以好入味，带子算大只，烧得岩岩好，唔太老
牛油黑松露焗杂菌
$78
13 浏览
0 赞好
0 留言
牛油黑松露焗杂菌: 份量好多，有好多菇，食既每一啖都有黑松露味，好丰富
牛肉乌冬
17 浏览
0 赞好
0 留言
牛肉乌冬: 有浓浓既猪骨汤，牛肉既份量都唔少，乌冬虽然系一人份量，但十分足够我地两个，乌冬好滑身，一咬就断，唔错
三文鱼籽海胆炒饭
$128
12 浏览
0 赞好
0 留言
三文鱼籽海胆炒饭: 真系每啖都有海胆！！炒到个饭金黄色，上面仲有大大粒既三文鱼籽，有好多粒，咬落去脆卜卜，有少少海水咸味，同个炒饭好夹
虽然价钱有d贵，但性价比唔错，难得豪一次应该系要食下好野~~
张贴
