Hungry Lobster (已結業)

今日去铜锣湾行街，经过呢间Hungry Lobster，朋友话之前食过觉得唔错，所以就去试一试。餐厅既装潢都几型格，门口仲摆左两只龙虾公仔，可以同啲公仔影相添呀。平时好怕好咸既龙虾汤呢度既龙虾汤唔会太咸，仲好creamy~配上脆脆蒜蓉包，好开胃！我地仲叫左一个烤龙虾牛扒组合share。烤龙虾牛扒组合有半只烤龙虾，无骨小牛扒，配埋薯条同沙律。由于有朋友唔钟意食太生既肉，我地就叫左无骨小牛扒要七成熟。虽然一黎到既卖相普普通通，但食落就发觉好惊喜。块牛扒既肉质好细嫩，厨师仲将火侯控制得好好，一啲都唔会烤得太干或者太老，保留到应有既肉汁，咬落去好juicy好松软，味道仲夹得岩岩好。龙虾比想像中大只，份量都唔少。只龙虾啖啖肉，啲肉好扎实同弹牙，仲好鲜甜。另外粗切薯条既份量都几多，有好香既胡椒盐味，而沙律都好新鲜。