Little Old Town (已結業)

九龙湾一向都系我食饭既选地之一，睇戏前行左阵，就拣左呢间未试过既Little Old Town试下啦。６点钟尚未到食饭高峰期，唔洗等位就入左去啦！炸鱼饼炸到个皮脆卜卜，微微既辣令到食落更香口！食过好多间炸鱼饼，呢个可共并列三甲之内。招牌海南鸡（例牌）要加钱先会有饭，我地加左＄１８鸡油饭。鸡都算嫩口，但冇咩鸡味，不过份量多，连埋３款酱食都不过不失。泰式大头虾炒金边粉大头虾好大只，炸得好靓，上面淋满酸酸甜甜既汁。金边粉味道亦一如平常的泰式炒金边粉一样，值得一试！薄菏青柠梳打冇咩味，下次唔会再叫，不过配返浓味食物，当中和下。