Kailash Parbat

营业中

休息中

印度餐平时比较少食，今次经朋友介绍黎，有少惊喜。餐厅位于尖沙咀，位置坐得舒服宽阔，装饰布置得好有风味，又系素食，系好一个特别体验。🍂奶酪番茄马萨拉 $85芝士番茄马萨拉，个汁好浓芝士味，仲有一块块好大颗芝士，超级邪恶，虽然系素食，但系食肉兽都唔惊唔惯。🍂烤饼$25烤饼可以选择用食原味或者系牛油，我地就拣左牛油。可以点马萨拉汁食或者就咁食都好够味，利申：叫左一份唔够，就叫多左一份黎马萨拉汁。🍂印度旁遮普式咖喱角 $70咖喱角里面系咖喱汁有番薯粒，味道好足，所以个汁只系可能用黎点烤饼。用玩具车装食物，感觉好特别同有心思。🍂特制辣番石榴无酒精鸡尾酒$49一饮落口好似淡拉味既番石榴汁，但系等一阵喉咙就会开始好似火烧咁。原来待应话杯边既粉系辣粉，要沿住杯边饮先可以完全饮到想调既效果，好新鲜。