海港酒家

营业中

休息中

今个月见到街市，超市都买紧松叶蟹，心思思想食番只。收到朋友信息，话这呢间酒楼做紧298元一只，堂食外卖都得，咁我就去酒楼食，可以干手净脚。平日晚市都有好多客。坐底即落单，松叶蟹一只。之后再睇下餐单加其他菜式。我哋得两个人，今次系为咗食蟹先嚟，所以唔会叫太多嘢食。最后决定每人叫个炖汤，加多个渔香海鲜烧豆腐。炖汤先上，羊肚茵炖螺头。汤够热，羊肚茵散出淡淡香气，汤内都有好多料，螺头切成片状，炖完都冇咩味。成个汤唔会好咸，味道刚刚好。饮完汤，渔香海鲜烧豆腐送到。煲仔上，成煲料都热辣辣，豆腐皮薄内嫩，吸满酱汁好好食，汁有少少辣，够惹味。海鲜有珊瑚蚌、虾、带子，样样都爽口鲜味。食食吓，主角上场，大大只橙红色的松叶蟹放系一只大碟上上台。蟹钳、蟹脚、蟹身呈现眼前。打开蟹盖，一大埋墨绿色嘅蟹膏呈现眼前，用匙羹挖出来食，食极都仲有。蟹钳大块肉，肉质鲜甜中又有些咸味，食得出系海水味呀。蟹脚都唔差，一样有好多肉。呢种蟹个壳本来好易剪开，不过酒楼把较剪钝钝哋，要俾D耐性先得。食完只蟹好满足。唔驶煮唔驶洗，有靓蟹食，真系唔错。呢间酒楼嘢食几好，只系服务差少少，不过为左食就包容下。