同心泰國菜館

营业中

休息中

难得来到九龙城附近当然要食饭餐泰国菜la～泰国菜系九龙城咁出名😋😋，我地一行4人，拣咗间同心泰国菜馆。今日唔洗等位，一来到坐低，有人俾个menu ,都几多嘢食😋串烧鸡肉和猪肉，鸡肉都几嫰，但沙爹就唔系好出，普普通通。猪肉都系一般般，唔咩特别。泰式酸辣凤爪，好好味，凤爪好辣，酸味又刚刚好，几开胃😋😋猪颈肉好味啵～本来我就唔系好食猪颈肉，但呢个整得好好，猪颈肉肉汁完全锁住，咬落出好juicy😋,点埋酱汁就更野味～马来盏炒通菜，一般般，偏辣，有d虾干，虾干有d硬，唔知系咪泰国菜系咁😂蟹肉炒饭，蟹肉都几多，但不太有鲜味，应该系冰鲜蟹肉，但整体来讲个饭都几好味，粒粒分明。饭后甜品，芒果糯米饭。天真嘅我以为呢个系主食😂，我个朋友讲其实呢一个系甜品！！系呢个热热的糯米上淋上椰汁，又出期的夹，但成个甜品最好食嘅系芒果，好酸啊，可能唔系当季水果。整体来讲，几好食，价钱唔系贵，都几抵食😋，下次可以再叫其他嘢试下～