新泰東南亞餐廳 (興旺閣)

营业中

休息中

好耐无食过泰国菜，好挂住泰式咖喱味。刚好今日收得早，可以过海去食餐劲既！听同事讲呢间泰东南亚菜好好食，价钱合理又够大，所以决定一试。果然真系好大，有三层高，餐厅内仲有洗手间，六点半到唔会好多人。但一过七点就八九成满座。楼梯都好有特色！一坐低，店长非常热情走过来介绍各餐厅推介，本来都好想试椰青沙冰，但今日个人有啲寒，都系饮正常椰青啦。先来柚子虾沙律，个汁酸酸甜甜，好开胃。而且用料丰富，有柚子、虾、鲜鱿，所以$98是有理由的。鱿鱼大大条，好足料！食到无停口。另外有芒果软壳蟹米纸卷，一般餐厅只有六粒，这里有八粒呀！米纸烟韧，若芒果味道浓一点会较好。 食泰东南亚食品当然要食咖哩，点了巴东牛展，咖哩味香浓，点印度薄饼真的一流。非常满足的一餐。