Ann Mamma Thai kitchen by 張秀玲

营业中

休息中

今日嚟荃湾做嘢，晏昼喺附近揾间餐厅食个快饭。记得之前有食友推介过曹公坊𠮶间「Ann Mamma Thai Kitchen by 张秀玲」，反正行过去也不太远，一于试下。估唔到餐厅非常旺场，入座都唔够 10 分钟就已经全场爆满，好不夸张。点咗两个 Set Lunch，午餐包餐饮，另外亦可以用优惠价加配小食及甜品等。海南鸡配油饭， 鸡件份量十足，鸡皮爽滑唔肥腻，鸡肉冇骨之余亦冇肥膏，入口啖啖肉。油饭当然亦系亮点，香而不腻，点埋个带甜味嘅黑酱油同酸辣酱汁食，好醒胃。另外呢碟泰式湿炒海鲜河粉， 味道亦唔错，河粉炒得够镬气，口感很滑。海鲜分量亦不少，有青口、虾仁和鱿鱼等，食落鲜甜爽口，趁热食好滋味。餐茶点咗泰式奶茶同西柚梳打，奶茶甜度恰好，好重奶香味，同喺泰国饮到嘅不相伯仲；西柚梳打味道酸酸甜甜，好 fresh、好清新。