薈亞廚房

营业中

休息中

谂唔到食咩，见到呢间泰国餐厅唔使等位又有得坐卡位，就决定入去食。职员都好有礼貌嘅，见我地坐低就即刻去斟两杯热水比我地。我地比个2人餐$172价钱吸引左，以为好抵食。但初时冇留意包咩，落单先知原来只系包一个小食，一碟蔬菜，一个主菜，同埋2碗白饭，2杯跟餐龙眼冰。我地小食就叫左沙嗲串烧配泰式酸辣凤爪，蔬菜方面就嗌咗马拉盏炒通菜，主菜就叫咗例牌去骨海南鸡。海南鸡份量，应该只系够一个人食，肉质冇话特别柔嫩，仲有啲过为结实。泰式酸辣凤爪份量都唔多，只有4只，但系酸辣味十分之入味。马拉盏炒通菜一大碟，成餐系得呢碟最足份量，够晒咸香。食完之后觉得味道方面还好，只系冇必要叫2人餐。