影片
更多
2021-02-09
1297 浏览
依家无咗晚市堂食，返工日子都喺食饭盒居多，加上减少社交聚会，又少咗啲食好嘢嘅机会，不过，偶尔都会想食啲好嘢嚟慰劳吓自己嘅辛劳，就好似今次，嚟到「Burger Joys」食餐高档汉堡。虽然店家瑟缩小巷之内，但话晒小弟都晌中环返开工，当然知椗啦！避免人流，亦专登拣早少少过嚟，此时，客人确喺唔多，自己揾个角落位，受感染嘅机会都细好多。室内嘅环境都喺好美式酒吧风格，几边放置嘅都高脚枱櫈，不断播放流行音乐，气氛轻松。墙上贴有好多食客食汉堡包时嘅开心照片，贯彻店名主题。后知后觉，原来枱下有啲挂勾，早知嘅话就唔使将啲嘢放晌地下。餐牌影出嚟都喺俾大家有个参考，自己都做番个记录。除多款汉堡包之外，仲有小食、沙律及饮品，汉堡包可以加钱额外再加配料，而加$41可转为套餐，包咗汽水或啤酒及炸薯条，更可以再加多$11 / $21转其他口味嘅薯条。午餐精选就划算少少，其实，啲汉堡包同散点同价，但就已经包汽水及薯条，即喺变相悭番𠮶$41，此外，薯条可以改要洋葱园、沙律或薯堡。埋收银机位落好单就可以埋位等吓，因为佢哋会俾个号码牌你，食物由店员送上。等候期间，又可以睇睇师傅整包个样，见佢真喺唔停咁整。枱上已放有Taba
虽然店家瑟缩小巷之内，但话晒小弟都晌中环返开工，当然知椗啦！避免人流，亦专登拣早少少过嚟，此时，客人确喺唔多，自己揾个角落位，受感染嘅机会都细好多。
室内嘅环境都喺好美式酒吧风格，几边放置嘅都高脚枱櫈，不断播放流行音乐，气氛轻松。墙上贴有好多食客食汉堡包时嘅开心照片，贯彻店名主题。
后知后觉，原来枱下有啲挂勾，早知嘅话就唔使将啲嘢放晌地下。
餐牌影出嚟都喺俾大家有个参考，自己都做番个记录。除多款汉堡包之外，仲有小食、沙律及饮品，汉堡包可以加钱额外再加配料，而加$41可转为套餐，包咗汽水或啤酒及炸薯条，更可以再加多$11 / $21转其他口味嘅薯条。
午餐精选就划算少少，其实，啲汉堡包同散点同价，但就已经包汽水及薯条，即喺变相悭番𠮶$41，此外，薯条可以改要洋葱园、沙律或薯堡。
埋收银机位落好单就可以埋位等吓，因为佢哋会俾个号码牌你，食物由店员送上。等候期间，又可以睇睇师傅整包个样，见佢真喺唔停咁整。
枱上已放有Tabasco辣椒仔、是拉差辣椒酱、茄汁及芥辣俾客人随意用。
芝士牛肉汉堡餐 $109呢类高档汉堡包店，除用靓料之外，卖点就喺即叫即做，所以，就算咁少人，都要等上10min。不过，碌吓手机时间就好快过，芝士牛肉汉堡包、薯条、可乐转头送到，而汉堡包以半开放式纸盒包住，时下都好兴呢个做法，尤其韩式多士店就见得最多。
先讲讲薯条，幼身嘅薯条炸得香脆不腻，最紧要喺炸起就即食。平常就咁沾茄酱，但今回就加埋啲芥辣，效果唔错架，味道嘅层次感多啲。
如果有留意到餐牌，都会见到佢哋标榜用100%美国安格斯牛肉每天手打，唔会揾机搅到咁碎湿湿，所以，食落确喺松化得嚟，又有实在感，肉汁丰富，而且，份量十足；夹埋大大片蕃茄、生菜、半溶嘅芝士、酸青瓜、紫洋葱，令到整个包嘅味道更具层次，再者，自家制嘅面包口感松软，烘过有啲脆边，亦记一功。
你问我成嚿水一个汉堡包贵唔贵？贵架！但值唔值？都值嘅！偶一为之，无所谓啦，最紧要喺自己享受嘛！
张贴
