陳儀興尚潮樓 (英皇道)

营业中

休息中

今日放工系楼下同同事食埋饭先返屋企，拣咗陈仪兴尚潮楼开餐，陈仪兴喺香港有好多唔同种类嘅食肆，有打边炉、粉面、米线、茶餐厅等等，虽然唔知系咪同一个老板，不过自己之前都有帮衬过陈仪兴打边炉真心唔错。餐厅用啲餐具都几讲究就连个茶壶都非常精致。自己超钟意食呢个凉拌海蜇头，口感超正又爽又肥美，性价比高必点凉拌菜。小炒皇虽然系好简单嘅菜式，但系要炒得好真系唔容易好睇厨师嘅功力，同朋友都觉得呢个小炒皇唔错够镬气又多料，真正色香味俱全。潮式鱼丸肉碎煮汕头白材料有肉碎、方鱼、津白等等，汤底非常香同清甜，鱼丸爽口弹牙有鱼味。同朋友都叫咗咸菜花蛤汤，花蛤汤味道非常浓郁，而且四只大花蛤鲜甜肥美。