壹號餐廳

营业中

休息中

妈妈偷懒，今日唔煮晚饭。就一家人出去食饭，落去《壹号餐厅》叫小菜食，餐厅位于屯门青善街4号康景花园地下12-24号舖。餐厅入面干净企理，空间好大，光线充足，最重要座位好舒服。我哋叫左姜葱桶蚝煲、椒盐鲍鱼、豉椒炒蚬和红烧乳鸽。姜葱桶蚝煲，原煲上的桶蚝，非常够镬气，上菜仲听到滋滋声，有烟出的。煲料有大大只蚝，鸡髀菇，姜葱，大厨将D料干爆到好靓，好有色泽。蚝🦪非常生鲜，酱汁痴著啲蚝和鸡脾菇非常惹味。椒盐鲍鱼，鲍鱼连壳上碟，好生鲜，大厨在鲍鱼面上介开一小格格，令佢更入味，用葱油爆香再干煎过的鲍鱼好香，再系上面洒上干蒜粒和辣椒，呢个鲍鱼冇得顶呀！ 豉椒炒蚬，大大只炒蚬，蚬肉吐沙吐得好干净，蚬肉非常鲜甜，用豉椒炒蚬好惹味😋红烧乳鸽外皮烧到脆卜卜，撕开乳鸽果阵肉汁流出黎，见到嫩滑的乳鸽，未食已经流口水🤤啦！