松記糖水店 (已結業)

同大圈食完餐咁正嘅火锅后, 当然要食埋甜品先至够完满啦, 黎得呢一区当然首选呢间甜品店啦, 于是一行五人就离开老三, 向住目的地进发!去到门口, 报上人数, 结果系要喺门口等一阵, 最后都唔系等好耐就有位, 但坐位相对黎讲逼少少, 唔理咁多即刻睇下有咩好野想食先! 其实次次打开呢间食店嘅餐牌, 都觉得样样甜品都好吸引, 师傅今次亦唔例外, 所以最后就柯打左冻豆腐花, 特别声明要少糖水! 至于其他人拣左咩, 师傅亦冇记低喇!等左一阵, 师傅嘅豆腐花同其他甜品亦陆陆续绩登场, 师傅当然第一时间试下个冻豆腐花啦, 冻豆腐花都算几滑, 加上够冻, 所以都几好味, 不过就好鬼甜, 师傅觉得佢好似冇少到糖水, 食到最尾都唔想再食, 因为甜到腻, 如果有个女朋友系咁甜就好啫, 豆腐花就可以唔使喇! 不过师傅估唔到呢间食店唔系以豆腐花为主打, 但豆腐花仍然咁滑身, 真系估佢唔到呀!总括黎讲甜品水准出色, 服务普通, 地方一般服, 价钱唔贵, 八蚊都抵食, 打完边炉再食埋咁滋味嘅甜品, 相信大圈都会满意啦, 而呢间食店肯定会再黎, 笑脸一定会比嘅