影片
更多
2023-09-06
2830 浏览
以前因缘有合作嘅机构同事，无见几年，原来已经转咗工，虽然跑道一样，但比以往轻松咗。相约出嚟聚一聚，再详细讲吓近况，兼听吓佢嘅旅游经历。相约一个中间点，太子就最合适，揾一揾就「苏山鸡饭」，因为一来几钟意食马拉嘢，二来旧年年尾曾到访过其长沙湾店，觉得好唔错。 地方唔喺好大，但胜在四四正正，装修亦都雅致，占大部份都喺卡位，够阔落，舒服好坐。正好晌外面有啲外卖单张拎，扫瞄晒出嚟俾大家参考菜式嘅选择，由午餐、下午茶、招牌鸡饭、推介、汤粉、蔬菜、小食、特色饮品到甜品，都充满星马风味，难得喺价钱贴地。 餐具、纸巾就放晌枱上，见到二维码，就知又喺自助落单。当然，搞唔掂可以揾侍应帮帮手，不过，都喺趋势，要习惯吓。 Susan鸡翼 +$22点主食可以以半价另点小食，所以，加配咗一客鸡翼，以店主嘅名起名，应该有番咁上下。餐牌就话3只，睇落唔止㖞，有全翼，有鸡锤㖞，半价咗真喺超抵。最正炸得甘香，却唔干身，一口咬落去皮脆肉嫩，调味啱啱好。 牛车水酱油鸡饭 $85主食拣咗一客鸡饭，一客老鼠粉，先介绍呢个酱油鸡饭，之前好似无嘅。份量都几足，酱油鸡几似豉油鸡，浓郁得嚟带点甜味，而啲鸡肉又几嫩滑，外皮有点爽。 仲有埋啲
地方唔喺好大，但胜在四四正正，装修亦都雅致，占大部份都喺卡位，够阔落，舒服好坐。
正好晌外面有啲外卖单张拎，扫瞄晒出嚟俾大家参考菜式嘅选择，由午餐、下午茶、招牌鸡饭、推介、汤粉、蔬菜、小食、特色饮品到甜品，都充满星马风味，难得喺价钱贴地。
餐具、纸巾就放晌枱上，见到二维码，就知又喺自助落单。当然，搞唔掂可以揾侍应帮帮手，不过，都喺趋势，要习惯吓。
Susan鸡翼 +$22点主食可以以半价另点小食，所以，加配咗一客鸡翼，以店主嘅名起名，应该有番咁上下。餐牌就话3只，睇落唔止㖞，有全翼，有鸡锤㖞，半价咗真喺超抵。最正炸得甘香，却唔干身，一口咬落去皮脆肉嫩，调味啱啱好。
牛车水酱油鸡饭 $85主食拣咗一客鸡饭，一客老鼠粉，先介绍呢个酱油鸡饭，之前好似无嘅。份量都几足，酱油鸡几似豉油鸡，浓郁得嚟带点甜味，而啲鸡肉又几嫩滑，外皮有点爽。 仲有埋啲凤爪咬下，除酸姜片，仲有佐食嘅3款酱汁：秘制辣酱、姜蓉、黑酱油，够晒传统、地道。 个鸡油饭有别平常所见，比较深色，问问店员，原来煮鸡时，用上啲日本花菇、元贝、多种香料增味，加埋啲鸡油、斑兰汁，所以，个饭真喺色香味全。 个套餐本身跟冬瓜鸡丝汤，但可以+$10转为轻怡排骨茶，朋友就想试一试。白胡椒肉骨茶饮落阵阵白胡椒香，少咗朕药材味，对好多人嚟讲变得轻怡易入口，猪肋排亦炆到好腍、好松化，啲肉一咬就开。
地道白咖哩老鼠粉 $70好似都好耐都无食过老鼠粉，所以，点都要试一试架喇，同样又喺份量十足，而里面豆卜、叉烧、鱿鱼、芽菜、通菜、蛋，好丰富架。啲粉仔几有咬口，不过，白咖喱就无预期咁重味。
鲜油咖央多士 +$15咖央多士都喺放晌小食类，所以，我哋又可以以半价选一客，唔喺讲笑，中间件鲜牛油厚到呢，睇见就只想到两个字：邪恶。多士烘得香脆，中间嘅咖央清甜，牛油溶咗少少，就更香滑，果然好食。
仙草椰奶冰 +$18仙草卖晒，改咗珍珠，当然口感喺唔同晒，前者柔滑，后者烟韧，不过，朋友两样都OK。而椰奶嘅奶味几重、几香。
薄荷咖啡 +$18我就胆粗粗试个薄荷咖啡，睇色泽就似喺咖啡加咗啲薄荷糖浆，而唔喺就咁用薄荷叶，因为色泽呈少少泥灰色，感觉无咁好睇，但味道又确唔错㖞，几夹，咖啡中渗出阵阵薄荷凉意。再加埋一球云呢拿雪糕，令杯咖啡更香滑。
整体而言，再嚟食过啲嘢都晌番水准之内，无乜失威！
张贴
