初味 (已搬遷) 新店位置

今日公司包场食西餐，之前Lunch都有系度食过，觉得都唔错。今次嘅菜式都几令我印象深刻，一共有几多道菜式我记唔清楚啦，但我就特别钟意三道菜式，第一就系龙虾海鲜汤，呢个汤整得真系唔错，唔会太咸，有海鲜嘅鲜甜，仲有啲龙虾肉丝系入面，味道浓郁，口感香滑，感觉足料。第二就系凉伴日本淮山秋葵，平时就好中意食呢两样嘢，凉拌嘅汁调制得好好。第三就系法国烟熏鹌鹑肶，肉质嫩滑，烟熏嘅味道几香。呢间餐厅嘅菜式都几多口味变化，唔系单只系做西餐，真系几欣赏厨师，可以整到咁多唔同嘅菜式出嚟，可见主厨嘅功力深厚。