大灰熊廚房 (裝修中)

平时屋企好少煮饭，但间中都会想食下啲有住家味道嘅菜式同饮下汤，今次去嘅呢间大灰熊厨房就一次过满足晒我所有愿望❤️餐厅嘅装修并唔起眼，但感觉干净企理，而且价钱合理，我同朋友就叫左几个家常小菜试下。✨一口椒盐豆腐椒盐豆腐系我几钟意嘅一样小食❤️呢度嘅椒盐豆腐都做得唔错，外层嘅脆皮唔会太厚，里面嘅豆腐口感细滑，每啖都非常香口。✨土匪鸡翼土匪鸡翼最重要嘅就系孜然香，而呢度嘅土匪鸡翼就绝对做到😋除左特色嘅孜然香外，鸡翼外层仲黏满左非常惹味嘅炸蒜，热气得黎又好好食。✨黑醋里脊我自己最钟意嘅一道菜🤤黑醋嘅味道控制得恰到好处，食落酸甜度适中。经过油炸嘅里脊肉食落外脆内嫩，非常适合送饭嘅一道菜。✨花胶螺头鸡脚汤系呢度可以饮到非常入味嘅老火汤，而且非常足料，都值得叫黎试下。