馬場洞烤肉專門店 (形點 I) (已結業)

今日落元朗探朋友，顺便食埋晚餐先返屋企。今日朋友带左我去位于Yoho 的「马场洞烤肉专门店 」食精选2人烧烤套餐。餐厅环境宽敞，以卡位为主、坐得舒适，抽风系统做得好，食完没有油烟味。一坐低，侍应会先奉上5碟韩式前菜有木耳、泡菜、沙律、蒜芯，海带，全部都可以无限追加。精选2人烧烤套餐摆盘吸引，牛肉包括菲力牛排、牛膈肌、韩式调味牛肋骨肉、牛肋骨，其中菲力牛排和牛膈肌，牛味浓郁，肉质软腍，加少盐肉味更提升，再用上生菜包住一齐食，可以减低油腻感。招牌炸鸡新鲜热辣辣炸起，炸得香脆，肉质Juicy，有埋我至爱既蜜糖芥末酱，非常滋味。烤虾及杂锦蔬菜虾有2只，爽口弹牙，杂锦蔬菜有青红黄椒、茄子、金菇、洋葱、薯仔、芦笋。另外我地亦加配顶级芝士猪肉香肠&韩式焗芝士粟米两款芝士芝味十足，仲可以拉丝，其中最钟意韩式芝士粟米，味道就好似细细食粟米波既味道，以种味道好怀念。荔枝梳打&奇异果梳打梳打不算太甜，味道刚刚好。