有囍 (已結業)

今晚行完花园街睇完花，又到晚饭时间在附近睇吓有乜好食先，经过见到有间店门口介绍羊腩煲，噤啱今日天气冻冻地就去叫返煲试吓先入到去地方几大，坐得几舒服即刻睇吓有乜食，有好多唔同既小菜，蒸、炒、煮、炸，样样有，唔喜欢小菜，可以叫火锅，唔啱还有粥、粉、面、饭，真系好多选择，临近新春还推出新春全包宴和六人套餐今次见得两个人，我哋主力食羊腩煲，本来想叫个煲再散叫其他小菜，噤啱有个两人套餐系羊腩煲，里面既嘢又几啱食，唔想太多就叫左呢个餐古法黑草羊腩煲，份量几多几大煲配料俾其他地方多，有羊腩、冬菇、姜片、蒽、马蹄、支竹和竹笋，滚起几香，羊腩啖啖肉好腍好肥美甘香支竹和冬菇索晒汁好好味，马蹄好大粒好爽，竹笋入口嫩滑美味，羊腩煲好入味，唔使点腐乳酱已好好味，点左更惹味蒜蓉开边蒸海虾，好香蒜蓉味，海虾大细适中，爽囗弹牙，味道鲜甜腊味生炒糯米饭，糯米饭烟烟靱靱，入囗好香腊味和虾米味最后甜品，原来系紫心蕃薯糖水，需然卖相普通，但蕃薯入囗好粉，糖水几甜，刚好解返食完羊腩煲既咸味，另到囗腔好舒服唔囗干呢个两人套餐真系好底食，食到好饱都系$450，下次去开旺角可再试其他嘢。