百味鮮辣蟹專門店 (已結業)

每次搭叮叮经过呢间辣蟹店都话想试, 趁住同朋友聚餐, 提议下黎一试, 毕竟食中菜都系多人一齐食比较好。先黎前菜~凉拌青瓜送上台既时候已经闻到好清新既青瓜香，加埋醋香，开开胃先。窝烧野菌蟹肉豆腐 滑滑既豆腐配合浓汤既芡汁 ,  加埋野菌营养丰富又有纤维, 不过略嫌蟹肉不足~豆酥蒸黄花鱼黄花鱼蒸得刚好唔过火, 肉质幼滑, 加埋炸香左既豆酥 , 增加层次。期待既主角出场啦~黎到紧系要点招牌蟹啦 , 呢度有十多款煮法 , 最后拣左香叶黑胡椒炒蟹。谂起去新加坡时食过, 真系令人点回味~ 加上黑胡椒性温, 补脾肾, 可减低蟹既寒凉性。而呢度都有八九成做到果种风味, 如果再多D 黑胡椒就更加香更正了~肉蟹够哂新鲜, 先食蟹钳, 一咬落去肉汁连埋黑胡椒, 香中带辣, 起左提鲜作用 。猪颈肉炒通菜  冰镇咕噜骨呢个卖相杷当吸精, 一出场吸引埋隔离台用干冰做出既烟雾效果,真系人人都中意。大大旧既咕噜骨下面有冰镇住,食既时候既热又冻,又甜甜的。炸浆多左D, 不过好松脆  都系推介之一