蝦棧 (已搬遷) 新店位置

朋友介绍有间喺花园街近界限街，食大头虾菜式嘅舖头，揸车都好方便，因为呢度相对旺角静，附近都有好多咪表位，店外装修以蓝白色为主，喺呢条街都几突出几鲜明，而且睇到水族箱入面全部都有大头虾，只只都好生猛！餐牌头版主要系大头虾锅，有好多味道选择，而我地拣咗胡椒虾，醉鸡卷，麻辣臭豆腐黑椒牛肋骨，大肠面线，麻辣云耳。店员随即就系水族箱内将啲大虾逐只捞起，跳跳扎，就拎入厨房lu。先上嘅系冷盘醉鸡卷同麻辣云耳，闻到好浓厚的花雕味，仲有鼓寒气添，鸡肉入晒味，而且仲系鸡髀肉，慢慢品尝就会越食越香花雕酒味，而云耳够新鲜够爽口，几醒神。麻辣臭豆腐，呢个锅味道似曾相识，内里有冻豆腐猪红等，臭豆腐配合埋呢个麻辣汤，其实真系好啱重口味嘅我。跟住就嚟主角上枱了，大虾烈阵排好，整只外壳已经沾上胡椒汁，超级香，虾头膏劲正，因为熟度啱啱好，肉质极嫩滑，估计火喉控制非常讲究，呢个虾果然无介绍错。黑椒牛肋骨入味得非常，其实又系白饭嘅好拍挡。奈何叫咗大肠面线，只好讲好食过台湾阿x，可能因为其他𩠌都比较浓味，但依然食到面线同大肠保持应有水准。呢度嘅虾肉鲜味十足，仲有咁多款煮法，有机会下次又可以试下其他味。