喜記避風塘炒辣蟹 (利園山道) (已結業)

一直都知道喜记系一间出名食避风塘炒蟹嘅餐厅，今日秋风起真系好想食蟹，同朋友四人同行一齐叫咗个四人套餐，食咗好多个唔同嘅海鲜，主要都有蟹做元素，真系非常满足。第一道𩠌系炒蚬，用豉椒炒，啱啱炒好，上枱嘅时候重好大烟。食入口觉得甜甜地，原来因为落左海鲜酱。除左甜之外重试到少少辣，先知道重加埋辣椒酱。成道𩠌之所以咁香口，除左酱料嘅功劳，蒜蓉同豆豉都功不可没！豆豉磨碎晒融入d酱度所以睇唔出。食蚬最过瘾就系食极都唔饱，食完一只又一只。偶然食到几粒有少少砂，但已经好味到唔理得咁多！只管食呀食。眨下眼就成碟清晒lu。