Pom's Diner (已易手)

是日约左朋友去左佐敦Pom's Diner食生日饭,地点都方便,一出港铁站行一阵就到! 餐厅环境都唔差简简单单黄色柔和都灯光,气氛有点宁静不太嘈吵! menu睇得出唔系求其整,色彩缤纷,我地愈睇就愈肚饿!我地叫左set dinner 有餐汤+法式蒜蓉包+主菜+餐饮! 餐汤南瓜汤,香浓南瓜味好清甜,蒜蓉包有焗过热热地脆脆地唔错! 餐饮都系一般普通餐饮不过不失! 主菜我地拣左黑松露忌廉野菌意大利饭,卖相吸引同好香既黑松露,意大利饭饭质烟韧程度岩岩好,汁既份量又适中,加入野菌磨茹更加有口感,饭面放埋芝士碎粒,味道好好! 另外小食叫左个芝士焗蟹肉大磨菇,磨菇真系好大只,焗过一d都唔干身仲有好多汁,蟹肉好弹牙,酿落磨茹到好夹口感好丰富,食埋伴碟既沙律菜可以减少油腻感!最后紧系唔少得甜品,纽约芝士蛋糕,唔太甜,好重香浓芝士味又滑漏,加埋脆脆饼底口感好有层次,下次再黎一会再叫!