Playa de Papagayo (已改名) 查看

星期一无带饭，约左老公一齐食lunch，黎到一间restarant and bar食西班牙菜。我地叫左两个Lunch set，再散叫左啲野食。Lunch set包餐汤或沙律，我地就每人一个。餐汤系蘑菇忌廉汤，饮到蘑菇粒粒既口感，餐包好松软。沙律新鲜，配以黑醋汁。淡咖哩鲜虾馅饼夹住好多芝士，平时食开鸡肉多，原来虾仁都几夹。黑松露杂菇意大利饭够creamy，意大利饭软硬适中。黑松露鸡蓉磨菇脆卷呢个有惊喜，原来系冻架，香脆既春卷皮夹住黑松露鸡蓉磨菇，好幼滑，两端蘸上朱古力粉，好食。西班牙小油条配朱古力酱西班牙菜一定有既churros，炸得外脆内软，蘸上朱古力酱更好味。蓝莓意大利雪糕脆饼类似曲奇雪糕甘，雪糕偏硬身少少，脆饼好重牛油味。Beer Sangria啤酒中带果味，饮落好清新。