Boqueria (已結業)

有別於一般餐廳，Boqueria 的 Brunch 最可愛之處是自己去攞完頭盤美食、沙律同生果返回座位，食吓食吓，店員開始由廚房推車仔出嚟巡場，再將車上多款Tapas遂張枱派送，免卻你行出行入，食物派上枱時還是熱的呢，感覺彷如做咗半個大小姐咁，超開心！這裡的食物種類很豐富，除了生蠔是每人一隻外，其他都是任吃，飲品設散叫或加錢任飲。礙於不是酒桶，只能散叫一杯 Sangria 淺嚐，味道很不錯。沙律吧用料好新鮮，配上無得頂芒果肉，竟也吃了兩大碗。肥瘦適中風腿及煙三文魚亦不能錯過，增加Omega 3是常識吧。愛吃魚的定要留意推車仔派枱的另一款熱食三文魚，其味道遠勝前者，沒煮得過熟，很鮮美。推車餸還有勁脆皮燒乳豬仔、燒羊肉及燒牛肉，想不到大鑊飯也是用肉同煑，並非常見的海鮮，口味重了點，宜淺嚐。多款Tapas中最靚是青椒，其他如血腸、蝦及炸肉丸亦不妨一試，但緊記要留肚食芝士凍餅、自家製曲奇和Brownie，真材實料，非常有驚喜。