越北牛肉粉專門店 (已結業)

呢期无啦啦爱上咗食越南嘢同泰国嘢，所日就试吓呢间系好运中心嘅越南餐厅。六点前都系下午茶时间，下午茶 Set 都几多选择，谂住叫一个粉面加两个小食，后来先知一个粉面只可以用优惠价加配其中一款小食，想食炸虾饼又想食猪颈肉，所以最后叫咗虾饼春卷捞檬。岘港虾饼春卷捞檬 ($58) : 炸虾饼同春卷两款都又香又脆口，春卷啲馅料非常丰富，虾饼嘅份量亦非常多，大概有五至六件，而捞檬个酸甜汁整得几好味，炎炎夏日食捞檬真系透心凉。越式烤猪颈肉 (跟餐 $28/半份) : 虽然话系半份，但系份量一啲都唔少，而且味道都唔错。薄荷青柠梳打 (跟餐 $8) : 跟餐只需 $8 依个价钱真系几吸引，而且杯嘢重非常足料，够冻够清新。