順。越南牛肉粉

营业中

休息中

近排间中都会去沙田，好运中心全新装修后多咗好多食肆，商场变得更明亮，经过见到 "顺。越南牛肉粉" 都好想食，就入去试吓啦！地方间隔都唔错，几阔落，墙上面有花朵同雀鸟图案，好有东南亚热带风情，令人舒适写意。下午茶餐种类繁多，有汤粉、传统捞檬、法包、米饭、街头小食、特饮等，好多越南特色美食。特色综合牛肉汤檬粉     $68                        综合牛肉粉有三款分别系生牛肉、牛腩片和牛肉丸，生牛肉好嫩滑，牛腩片炆至软身唔韧，有少少咬口，牛味香浓，牛肉丸爽口弹牙，中间有肉汁，汤底用咗牛骨熬出，牛骨味重，饮落清甜唔口渴，河粉顺滑吸左汤底，甘甜美味，份量都多，好足料。香茅猪扒汤檬粉       $62依碗拣汤檬粉，檬粉爽顺，吸汤都好出色，汤底香气四溢，啖啖都好鲜甜，香茅猪扒外香内软，肉质鲜嫩，香茅味突出，食完成碗好饱肚，有水准嘅越南粉。蒜蓉牛油鸡翼       $28                            鸡翼外脆内嫩，肉质唔干有肉汁，食起嚟好香口，牛油味突出，加埋蒜蓉味道就更惹味。西贡脆春卷       $22春卷炸得好香脆，馅料满满，仲有块大大片嘅生