火五越式牛肉粉專門店 (其昌樓)

营业中

休息中

星期五放工经过佐敦附近买野，见到呢间越南野多人等外卖，于是我决定买少少外卖返屋企加𩠌。手作挪威烟三文鱼米纸卷 $48一拎返屋企，家人即时食呢个米纸卷，个烟三文鱼味道好好，熟度岩岩好，有少少软身，粉丝同青木瓜令个米纸卷质感更有层次感。妈咪都赞好食。意大利黑醋汁蒜蓉牛油鸡翼 $38钟意个黑醋汁，食落个鸡翼有牛油同蒜蓉既香味，黑醋既酸味令个鸡翼既肥腻感无左，点埋青柠檬汁，味道更清新。火五和牛牛丸扎肉粉 $48钟意呢个外卖既处理手法，汤同河粉分开，食个时先倒埋一齐。外层有一层保鲜纸包住，拎到屋企仲暖既，汤既温度保持到。和牛牛丸几好食有牛味，扎肉同埋洋葱香草仲有辣椒令成个汤河好入味。越式炸虾春卷捞檬 $42鱼露分开另一个细盒，食个时先倒入去，虾春卷都整得几脆。火五特式凤爪 $22屋企人钟意食凤爪，有青木瓜同香醋调味，酸酸地又有青木瓜既清新口味，好食同几开胃。D24榴梿炸弹 （4粒）$48外层烟韧香软，有食紧麻薯既感觉。内层系足料香滑又好食既榴梿肉。食个口感香口又唔油腻。