芽莊越式料理 (新城市廣場) (已結業)

今日去左食越南野，沙田芽庄因为食TEA，所以叫左唔算太多野ORDER左一个粉同串烧串烧-- 真系几好味，食野最紧要系热，佢黎到都仲有烟出黎，已经好吸引。个汁唔系就咁沙嗲汁，佢有系上面放D花生碎，所以比一般既汁系香好多，而且个汁都系热，可以见到间餐厅系花左少少心思落去。鸡丝汤河 -- 平时食其他餐厅，好多时D鸡丝都系好少。呢一间系我食咁多间之中，其中一两间真系比够鸡丝，唔系是但得几条。个汁系牛汁，所以D味都好够，鸡丝又足料，所以食到最尾都仲有，唔系食剩晒得D河粉。