影片
更多
2019-07-29
315 浏览
九龙城不嬲多好嘢食，除咗最受欢迎嘅泰国菜 同潮州打冷之外，原来都有唔少嘅日本嘢食，今次有朋友带我去呢一间牛石料理试下， 质素都唔错。餐牌嘅款式真系好多，谂到我头都大埋，于是同朋友叫咗一个和牛二人套餐试下，听闻呢度有好特别嘅软壳龙虾料理，当然唔执输，要叫一个试下啦。软壳蟹就食得多，软壳龙虾真系好少见， 呢度嘅软壳龙虾料理有几款，分别系手卷、板卷、同埋我叫嘅呢一个软壳龙虾沙律，由于我地嗌嘅和牛套餐入面有寿司嘅关系，我哋选择咗沙律试下。卖相非常唔错，炸得热辣辣脆卜卜嘅软壳龙虾，配上海葡萄沙律，加埋店家特制嘅酸醋汁， 清新又开胃。 尤其是软壳龙虾外层有薄薄嘅脆浆包住 ，龙虾肉鲜味弹牙，但系外层嘅软壳炸得金香松脆，非常特别。有别于软壳蟹林滋滋嘅质感， 肉质鲜甜有弹性， 食落好得意。和牛套餐都好抵食，由前菜、刺身、烧肉、卷物，以至甜品都有。蟹籽沙律表面铺满脆卜卜嘅蟹籽，入面用咗蟹柳同青瓜，最特别嘅系加咗苹果，非常清新。刺身亦有三款，分别系三文鱼、金目鲷、同埋油甘鱼，我最钟意就系油甘鱼 ，食落鲜味，肉又厚身，好满足呀！烧肉拼盘分别用上，伊藤和牛a4西冷、三角胸排、牛小排，同牛舌， 睇相都知道油脂非常
餐牌嘅款式真系好多，谂到我头都大埋，于是同朋友叫咗一个和牛二人套餐试下，听闻呢度有好特别嘅软壳龙虾料理，当然唔执输，要叫一个试下啦。
软壳蟹就食得多，软壳龙虾真系好少见， 呢度嘅软壳龙虾料理有几款，分别系手卷、板卷、同埋我叫嘅呢一个软壳龙虾沙律，由于我地嗌嘅和牛套餐入面有寿司嘅关系，我哋选择咗沙律试下。
卖相非常唔错，炸得热辣辣脆卜卜嘅软壳龙虾，配上海葡萄沙律，加埋店家特制嘅酸醋汁， 清新又开胃。
尤其是软壳龙虾外层有薄薄嘅脆浆包住 ，龙虾肉鲜味弹牙，但系外层嘅软壳炸得金香松脆，非常特别。有别于软壳蟹林滋滋嘅质感， 肉质鲜甜有弹性， 食落好得意。
和牛套餐都好抵食，由前菜、刺身、烧肉、卷物，以至甜品都有。
蟹籽沙律表面铺满脆卜卜嘅蟹籽，入面用咗蟹柳同青瓜，最特别嘅系加咗苹果，非常清新。
刺身亦有三款，分别系三文鱼、金目鲷、同埋油甘鱼，我最钟意就系油甘鱼 ，食落鲜味，肉又厚身，好满足呀！
烧肉拼盘分别用上，伊藤和牛a4西冷、三角胸排、牛小排，同牛舌， 睇相都知道油脂非常丰富，雪花好足够，食落满满嘅肉汁，入口即溶， 钟意食牛嘅朋友绝对唔可以错过。
最后仲有炒野菜同埋特色卷物， 野菜 热辣辣 ，又够甜，最啱就系食完和牛，清一清口腔 ，再试下个卷物。
卷物有三款，分别系三文鱼、熟虾同埋鳗鱼，有少少似加州卷嘅做法，但系表面上就覆盖咗唔同嘅材料，味道都唔错， 尤其系三文鱼，呢度嘅刺身质素真系几好， 鲜甜肥美。
最后侍应仲送上布丁作为甜品，真系食得好满足， 下次去九龙城，唔一定只系选择食泰国嘢，原来都可以发掘到好多好嘢食。
张贴
