喜來稀肉 (瓊華中心)

营业中

休息中

谂起韩烧就会谂起喜来稀肉。虽然唔系放题任食，但每次叫2至3 碟肉再加上大量配菜，就超级饱。 旺角分店仲有自助区任添配菜。拎咗唔少泡菜同生菜，仲食咗几转炉边蛋。餐厅环境几大，适合放咗工同朋友吹水。今次叫咗2款牛同一款猪 。 喜来烧肉系好出名，肉质鲜嫩，卷成花形，几特别。牛护心肉同样好香牛脂味。济洲五花肉煎得火喉啱啱好， 油花渗出来，好惹味。 食韩烧唔少得饮烧酒，听朋友讲叫水果味会易入口啲，所以我哋叫咗青提子味，饮落好香，唔会太甜，用迷你杯饮，倾下计慢慢细味，好快就过咗一个愉快嘅晚上。