影片
更多
2017-07-06
179 浏览
Sister Korea cafe 系长沙湾元州邨商场地下，店舖嘅空间几大，食嘢嘅空间都几舒适。我哋系𠮶度叫咗三碟𩠌，两杯嘢饮，仲送埋四款小食。首先，上紧嘅系四碟小菜， 包括有泡菜，大豆芽菜，菠菜等等 都系比较常见嘅韩国前菜 ，十分开胃。跟住送来嘅系海鲜锅，个海鲜锅好足料，唔单止有虾，仲有鲍鱼，个海鲜锅煲下煲下，个汤底仲有淡淡的海鲜味，得闲饮下都几正。而且个海鲜锅都几大，材料充足，适合两个人食。跟住上黎嘅系飞机酱缸腌蟹。呢个腌蟹系韩国空运嘅蟹，饭，同埋紫菜沟埋出嚟嘅。个员工仲系我地面前处理只蟹，仔细咁将蟹壳同蟹肉逐一分离，并几认真咁将三样嘢沟埋一齐。啲饭同生嘅蟹肉彻底捞埋一齐，每一啖食落去都有浓浓的蟹香同饭嘅质感，加埋紫菜嘅质感，真系相得益彰，而且蟹肉食落去完全冇腥味，非常适合𠮶啲唔钟意生海鲜嘅人。第三样嚟嘅韩式原味炸鸡。𠮶份炸鸡外脆内软，咬落去仲有新鲜嘅热气出嚟，加上个炸鸡嘅肉汁犹存，变成外脆内滑， 大家值得一试。嘢饮方面，我哋叫左个韩国菠萝冰。𠮶个菠萝冰系以成个菠萝上枱嘅，入面放满左菠萝冰，菠萝内仲可以你用匙羹刮啲菠萝肉出嚟，真系双重享受，加上造型吸引，即使价钱稍贵，大家都不妨一试
我哋系𠮶度叫咗三碟𩠌，两杯嘢饮，仲送埋四款小食。
首先，上紧嘅系四碟小菜， 包括有泡菜，大豆芽菜，菠菜等等 都系比较常见嘅韩国前菜 ，十分开胃。
跟住送来嘅系海鲜锅，个海鲜锅好足料，唔单止有虾，仲有鲍鱼，个海鲜锅煲下煲下，个汤底仲有淡淡的海鲜味，得闲饮下都几正。而且个海鲜锅都几大，材料充足，适合两个人食。
跟住上黎嘅系飞机酱缸腌蟹。呢个腌蟹系韩国空运嘅蟹，饭，同埋紫菜沟埋出嚟嘅。个员工仲系我地面前处理只蟹，仔细咁将蟹壳同蟹肉逐一分离，并几认真咁将三样嘢沟埋一齐。啲饭同生嘅蟹肉彻底捞埋一齐，每一啖食落去都有浓浓的蟹香同饭嘅质感，加埋紫菜嘅质感，真系相得益彰，而且蟹肉食落去完全冇腥味，非常适合𠮶啲唔钟意生海鲜嘅人。
第三样嚟嘅韩式原味炸鸡。𠮶份炸鸡外脆内软，咬落去仲有新鲜嘅热气出嚟，加上个炸鸡嘅肉汁犹存，变成外脆内滑， 大家值得一试。
嘢饮方面，我哋叫左个韩国菠萝冰。𠮶个菠萝冰系以成个菠萝上枱嘅，入面放满左菠萝冰，菠萝内仲可以你用匙羹刮啲菠萝肉出嚟，真系双重享受，加上造型吸引，即使价钱稍贵，大家都不妨一试。
我哋仲叫咗个啤酒，饮落去有些少嘅麦味，但系饮落去又唔会好苦，酒精味唔重，非常适合平时唔钟意饮啤酒嘅人尝试一下，但系杯啤酒都几大杯，建议同人地分享。
另外，服务员嘅态度都好好，佢哋会用韩文同身边嘅店员沟通，俾你有置身当地嘅感觉，加上店内有唔少韩国嘅海报，配以点来的韩文歌，俾你体验一下韩流文化的吸引力。
张贴
