影片
更多
2024-04-11
1635 浏览
间唔中都会想上去山顶望吓个夜景，特别系工作大压力嘅时候，望住个夜景真系可以排忧。山顶其实都有几间唔错嘅餐厅，呢一间系其中一间我好钟意嘅，如果唔系好大风嘅话都会想坐喺出边食。‣ Chicken Tikka $268鸡嘅外表烧到有啲微微焦黑，但系食落去完全唔会觉得有㶶味。鸡肉嫩滑多汁，同时你会食到好多唔同嘅香料味，例如茴香。食落去嘅时候都会有一种淡淡嘅烟熏味，搭配芫荽酱令鸡肉味道更加清新。我自己好钟意𠮶种复杂嘅香料味，但系如果本身唔特别钟意咁重香料味嘅人，就未必钟意食呢一道菜。‣ Railway Mutton Curry $388本身我唔食羊肉，不过系男朋友嘅极力推荐底下，我都有试。肉炖到好软腍，但系唔会冇咗肉嘅口感，就算我好唔钟意食羊肉都好，都忍唔住食多咗几嚿。如果你本身好唔钟意羊膻味，但系你又好想试吓啰羊肉，我会极力推荐你试吓，可以话已经几乎系冇晒所有嘅羊膻味。可惜嘅系毕竟我对呢浸味道好敏感，最后都系转投鸡肉嘅怀抱。＊食到差唔多嘅时候，侍应哥哥听到我吸鼻水𠮶啲嗦嗦声，就问我系咪觉得好辣。其实我唔系觉得好辣，不过个鼻唔争气，我就同佢讲话有少少辣。佢就笑一笑我，然后冇几耐佢就捧住两杯姜奶茶
‣ Chicken Tikka $268
鸡嘅外表烧到有啲微微焦黑，但系食落去完全唔会觉得有㶶味。鸡肉嫩滑多汁，同时你会食到好多唔同嘅香料味，例如茴香。食落去嘅时候都会有一种淡淡嘅烟熏味，搭配芫荽酱令鸡肉味道更加清新。我自己好钟意𠮶种复杂嘅香料味，但系如果本身唔特别钟意咁重香料味嘅人，就未必钟意食呢一道菜。
‣ Railway Mutton Curry $388
本身我唔食羊肉，不过系男朋友嘅极力推荐底下，我都有试。肉炖到好软腍，但系唔会冇咗肉嘅口感，就算我好唔钟意食羊肉都好，都忍唔住食多咗几嚿。如果你本身好唔钟意羊膻味，但系你又好想试吓啰羊肉，我会极力推荐你试吓，可以话已经几乎系冇晒所有嘅羊膻味。可惜嘅系毕竟我对呢浸味道好敏感，最后都系转投鸡肉嘅怀抱。
＊食到差唔多嘅时候，侍应哥哥听到我吸鼻水𠮶啲嗦嗦声，就问我系咪觉得好辣。其实我唔系觉得好辣，不过个鼻唔争气，我就同佢讲话有少少辣。佢就笑一笑我，然后冇几耐佢就捧住两杯姜奶茶话请我同男朋友饮，隔离仲有细细块曲奇饼，个吓觉得好窝心。
张贴
