影片
更多
2019-03-10
229 浏览
平凡但精致嘅社区小店👍🏻同朋友最近都想食啲麻辣嘢 最后拣左呢间评价唔错嘅麻辣火锅🍲 车站行过去好快就到 不过舖头位于街尾 人流较少 果日系平日去 唔洗等位就可以入座 第一次食 又怕太辣 所以我地拣左翡翠锅汤底 平时食麻辣锅 一定会有层厚过我面皮嘅红油 均匀咁舖满个汤面 食完就会进化做红唇娃🙈🙈 但呢个汤底绝对冇呢个问题 麻辣得嚟 汤底颜色又靓 入面仲有鸭红 一滚起就有嘢食 啱哂我呢啲冇耐性嘅人👍🏻 今次点左好多𩠌 菜、肉、海鲜类咩都有 不过最钟意嘅有3款😝 作为一个小蟹柳 首推一定系大大条蟹棒 平时放耐啲 连条尸捞唔返 但呢款蟹棒够哂大条 即使唔记得捞返起 都一定揾到 索哂啲汤再食 一个字：好正呀👍🏻 第二样会推介嘅系手切肥牛 因为我啲牙比较差 平时都唔多食肉 惊太痴牙唔舒服 但呢款肥牛 厚薄适中 油花均匀 最紧要系 唔痴牙唔痴牙唔痴牙(重要嘅事情要讲三次!) 所以我都破天荒地食返几块 最后要推介嘅系酸菜白肉饺 最初听到我系联想起啲酸臭食物...🤢🤮 不过朋友坚持想食 咁都冇计 叫返碟trytry啦.. 不过呢啲剧情走向 通常都系有惊喜出现嘅 酸菜果阵味唔系好浓烈 配搭埋个汤底 有一种
同朋友最近都想食啲麻辣嘢 最后拣左呢间评价唔错嘅麻辣火锅🍲 车站行过去好快就到 不过舖头位于街尾 人流较少 果日系平日去 唔洗等位就可以入座
第一次食 又怕太辣 所以我地拣左翡翠锅汤底 平时食麻辣锅 一定会有层厚过我面皮嘅红油 均匀咁舖满个汤面 食完就会进化做红唇娃🙈🙈 但呢个汤底绝对冇呢个问题 麻辣得嚟 汤底颜色又靓 入面仲有鸭红 一滚起就有嘢食 啱哂我呢啲冇耐性嘅人👍🏻
今次点左好多𩠌 菜、肉、海鲜类咩都有 不过最钟意嘅有3款😝 作为一个小蟹柳 首推一定系大大条蟹棒 平时放耐啲 连条尸捞唔返 但呢款蟹棒够哂大条 即使唔记得捞返起 都一定揾到 索哂啲汤再食 一个字：好正呀👍🏻
第二样会推介嘅系手切肥牛 因为我啲牙比较差 平时都唔多食肉 惊太痴牙唔舒服 但呢款肥牛 厚薄适中 油花均匀 最紧要系 唔痴牙唔痴牙唔痴牙(重要嘅事情要讲三次!) 所以我都破天荒地食返几块
最后要推介嘅系酸菜白肉饺 最初听到我系联想起啲酸臭食物...🤢🤮 不过朋友坚持想食 咁都冇计 叫返碟trytry啦.. 不过呢啲剧情走向 通常都系有惊喜出现嘅 酸菜果阵味唔系好浓烈 配搭埋个汤底 有一种令人不断回味嘅香味 喜欢饺子嘅朋友一定要试 不过漉嘅时候要小心睇住 如果唔系就会好似我咁全程「饺烂get」🌝
虽然成条街都系串烧同火锅舖 但真心推介各位行入两步 去试下呢间值得一试嘅小店👍🏻
张贴
