茶語

营业中

休息中

今日又入大埔揾嘢食~呢间茶语个名够哂盏鬼，原来系食台湾嘢，唔怪得门面行日式感嘅小清新风。睇咗一轮餐单后，我嗌咗酥炸猪扒肉燥饭配香芋珍珠，而朋友嗌盐焗鸡丝饭配蜂蜜芦荟，另外我哋仲嗌咗小食蜜糖花枝丸。嘢饮先送上嚟，紫色嘅一杯香芋珍珠好靓。饮落口，超级顺滑，系好香浓嘅芋头味，珍珠大小烟韧度都刚刚好。炸猪扒肉燥饭大大个碗送上嚟，原来份量都几多下。啲猪扒炸到酥脆金黄，切好哂一块劲厚实，加埋肉燥酱，入口惹味无穷。而朋友都话自己碗鸡丝好滑。花枝丸一碟有5个，夹一个点一点隔离嘅蜜糖，好甜好滋味~花枝丸劲大粒劲弹牙，实在令人想念起台湾~呜呜~无得去都有得食嘛~