舍利鮨 (已結業)

海胆 (拍卖级海胆)入口带有淡淡嘅海洋香气同丰富嘅甘甜鲜味，一试难忘。剥皮鱼 + 鱼肝酱剥皮鱼肉质扎实烟韧，再利用剥皮鱼嘅鱼肝嚟提升口感同味道层次。深海池鱼口感爽脆嫩滑，肉质细致带油份，味道鲜甜。金目鲷肉质柔软肥美，口感嫩滑，鱼味份外鲜甜，油份十足，肥而不腻。大拖罗有天然鱼油脂嘅甘香，入口即溶而鱼味浓郁。三文鱼子海胆饭海胆同饭捞埋一齐，啖啖饭都食到海胆，味道鲜甜；三文鱼子粒粒圆润有光泽，晶莹通透，入口鲜甜，一咬爆汁，口感澎湃，食得过瘾！香箱蟹(蟹膏+蟹肉+蟹子)将拆咗嘅蟹膏、蟹肉同蟹子酿番落个蟹盖度，够晒方便！入口蟹味浓，膏香肉甜，别有一番滋味。