影片
更多
2014-09-02
1233 浏览
认识「滋味馆」源于食友嘅一篇食评，帮衬「滋味馆」源于大家嘅一份支持。跟几位晌饮饮食食上志趣相投嘅朋友，周围觅觅食食，确喺一件几开心嘅事，这夜走到嚟土瓜湾嘅滋味馆，细尝越南菜，闲聊话家常。滋味，唔单止因为枱上嘅食物，更因认识到依班知情识趣嘅朋友，令每餐饭局都喺一次欢聚 。走进滋味馆，一室亮白，装修摩登，配以深啡色皮椅，简约而整洁。而餐厅后方，可架起屏风，变相成为一个半开放式小厢房，减少其他食客嘅骚扰。青绿色嘅主餐牌，令人望落宁舍醒神，最特别喺打开第一版，就有几款越菜常用嘅香料介绍，如柠檬叶、香花菜、亚参子……等等，图文并茂，就算唔熟悉，当有个认知都好。再翻一翻餐牌，虽然小小店子，食物款式多得不容小觑，有沙律、越式米纸卷、串烧 / 炭烧类、精美小食、滨海类 / 生菜包、厨师特别介绍、檬粉类、汤粉类、精美小菜、炒饭类、炒粉类、煲仔菜、汤类，唔使数都可以肯定过百款 。部份菜式有图有相，多个参考。当然，甚识计数嘅香港人，最喜欢点套餐，所以，尊贵一人套餐及滋味二人晚餐都应运而生，故此，一个人嚟又得，两个人嚟都得，甚至乎几个人嚟又可将啲套餐互相组合。最有趣喺仲有个「越之素食」小餐牌，投身咗「绿色
走进滋味馆，一室亮白，装修摩登，配以深啡色皮椅，简约而整洁。而餐厅后方，可架起屏风，变相成为一个半开放式小厢房，减少其他食客嘅骚扰。
青绿色嘅主餐牌，令人望落宁舍醒神，最特别喺打开第一版，就有几款越菜常用嘅香料介绍，如柠檬叶、香花菜、亚参子……等等，图文并茂，就算唔熟悉，当有个认知都好。
再翻一翻餐牌，虽然小小店子，食物款式多得不容小觑，有沙律、越式米纸卷、串烧 / 炭烧类、精美小食、滨海类 / 生菜包、厨师特别介绍、檬粉类、汤粉类、精美小菜、炒饭类、炒粉类、煲仔菜、汤类，唔使数都可以肯定过百款 。部份菜式有图有相，多个参考。
当然，甚识计数嘅香港人，最喜欢点套餐，所以，尊贵一人套餐及滋味二人晚餐都应运而生，故此，一个人嚟又得，两个人嚟都得，甚至乎几个人嚟又可将啲套餐互相组合。
最有趣喺仲有个「越之素食」小餐牌，投身咗「绿色星期一」嘅朋友，嚟到都唔怕无嘢唔啱食啦 ！
盛夏外间非常炎热，虽然凉著冷气，点都唔及整多杯冻饮凉入心，餐牌内除有多款越式特饮，仲有港式饮品及啤酒。但店员推介，啱啱椰青新鲜返货，唔喺日日都有，保证清甜。
新鲜椰青 $28 不愧为飞机新鲜货，入口清甜自然，冰凉透心，有种润喉嘅感觉；而果肉都唔应该错过，肉厚雪白，软腍香甜，只卖$28，相当抵饮 。
墨鱼青木瓜沙律 $78 卖相清新怡人，泰国青木瓜切得丝丝幼细，爽脆多汁，再伴以甘笋丝、白萝卜丝，自行添加随沙律附上嘅青柠辣汁，多少随意，令个沙律酸爽中带点辛辣嘅刺激；而墨鱼肉切条鎅花，食落柔软而爽口，有份鲜味嘅感觉 。
带子米纸卷 $50 原为一客4件，但店主好人为我哋做够6件，人人有份。上层香煎带子，带子大粒有肉地，味道鲜甜弹牙，外层又有少少焦脆；而越南米纸卷卷有米粉、生菜、青瓜丝、九层塔，净食嘅话，清淡清爽，若沾上自家制辣汁，集酸辣咸鲜，味道多变 ，据店员讲个汁主要用青柠、柠檬、鱼露、辣酱制作，怪唔之得有如此效果。真喺甚有惊喜嘅一道「上热下凉」嘅米纸卷小食，值得推介 。
炭烧冬荫鸡 $118/半，$228/全 虽则叫「冬荫」鸡，但跟饮冬荫功时𠮶份酸新重口味有很大分别，为保持鸡肉本身嘅鲜味，「冬荫」做得唔会太重手，所以，要有少少心理准备；而鸡只则烧得几焦香，皮脆肉滑，香脆可口。当然，席间友人嫌「冬荫」味唔够突出，觉得未能彰显「冬荫」特色。
烧猪颈肉滨海 $88 晌餐牌中，依道菜特别加插一张大相，因为喺曾经夺得「食神争霸战」嘅冠军菜式。一大碟烧猪颈肉、青瓜片、滨海、甘笋丝、白萝卜丝、银芽，以及另碟上嘅生菜、九层塔，店主话要包晒所有材料食先至好味。一口咬落，爽脆嘅猪颈肉，清爽嘅青瓜片，绵腍嘅滨海，再加另一款以虾米十碎、花生碎、鱼露所做嘅酸辣汁，口感层次丰富，风味独特 。
越式明炉鱼 $118 泰式明炉鱼食得多，越式就第一次试，鲜鱼采用乌头，不过有时亦会用上鲈鱼。汤头味道辣辣酸酸，据介绍用咗唔少香料，如九层塔、芹菜、大葱、香茅，不过，整体而言，感觉会较泰式清香。鱼肉入口滑溜鲜嫩，加上汤底酸香惹味 ，至于垫底嘅黄芽白、芹菜、大葱，吸收晒汤汁香味，亦都唔好错过。
香茅猪扒蒙 $48 晌9款蒙粉中（冻食），香茅猪扒蒙喺店家嘅特别推介，当然要试一试佢啦。捞蒙做得稳打稳扎，将蒙粉跟垫底嘅银芽、青瓜丝、生菜丝捞匀，加入鱼露，配合埋葱花同花生碎，既简单，又清新 ，夏天食捞蒙就最好不过。不过，原来最正喺件香茅猪扒，入口估佢唔到有种超脆感，煎得面层焦脆，肉质极松化，富香茅味，小弟都认为值得推介 。
手切雪花肥牛汤河 $68 汤粉类中生牛肉及火车头都喺店家嘅特别推介，不过，晌墙上仲见到有款厨师推介嘅手切雪花肥牛汤河。汤河跟本地手切肥牛分开上，肥牛色泽红润，油花亦见平均，放入汤河中靠汤嘅热力烫熟，肥牛入口真喺嫩滑无比，油香而富肉鲜味 ；相反，汤底较清，据解释喺怕抢走肉鲜味，但细呷一口仍感受到当中嘅清甜，至于汤中滑滑溜嘅河粉，应该唔会令人失望！
仲有餐后免费奉送嘅糖水，都喺叫人觉得有种窝心嘅感觉。除咗食物做得出色，用料唔欺场，做得认真外，更喺一位妈妈对家人及食客嘅承担。餐后有幸跟店主罗妈妈倾几句，原来佢喺越南华侨，所以，做得一手正宗越南菜真喺难唔到佢 ，不过，年纪大都要放下镬铲，而滋味馆亦曾停业过。其后再重开，为嘅就喺患有听障嘅仔仔，依家掌厨嘅就喺佢个仔及多年老拍档嘅师傅，因为据佢讲啲餐厅一听到佢仔仔喺失聪，连试工机会都无，徒有一身承传阿妈嘅好手艺 ！虽然过去多年间都遇到唔少困难，但罗妈妈仍相信凭著「越式滋味」及「出色手艺」，「滋」「色」以可改变命运！祝愿小店百尺竿头，更进一步 。
张贴
